बड़े-बड़े राजा सरला.
बल बीता रावण सरलो,
तूय बले एक दिन सरुन जासे.
राम नाम के सुमर ना,
कोन जानि केब मरून जासे.
कमाव कितरोय बले मान्तर,
ए मँझपुर ने रत ले काम देउ आय.
उपरे तूय काय के धरून जासे.
राम नाम के सुमर ना,
कोन जानि केब मरून जासे.
कमाउक नी सकिस जाले,बसु रा ओगाय,
मान्तर जलसीत आउर के,काय काज?
ए जलन चो आइग में एक दिन तूये जरुन जासे.
राम नाम के सुमर ना,
कोन जानि केब मरून जासे.
भुलकलिस कसन डंड होउन,
पोसला तुके,तुचो माय-बाप.
हुनमन चो नाव के,
काय बदनाम करुन जासे.
राम नाम के सुमर ना,
कोन जानि केब मरून जासे.
✍अशोक नेताम"बस्तरिया"
कोई टिप्पणी नहीं:
एक टिप्पणी भेजें